Tinan 2008 nu’udar tinan ida ne’ebé dezafiante tebes ba ANP- Timor-Leste. ANP buras ona nu'udar organizasaun no nu'udar autoridade petrolífera.

Preparasaun hahú iha inísiu 2008 ba estabelesimentu ANP no ida-ne’e inklui identifika sidadaun TL xave sira ne’ebé hein atu asume responsabilidade aas liu. Bainhira harii ANP, Dezafiu sira aumenta ba organizasaun ne'ebé foin harii tanba iha de'it pesoál esperiénsia uitoan de'it maka hela atu administra operasaun petrolíferu sira ne'ebé profisionál tebes. Liután, deslokasaun eskritóriu ANP nian ba Palácio do Governo maka dezafiu ida seluk ne'ebé loos. Rekursu signifikativu sira hafoin ne'e aloka atu asegura katak apoiu lojístiku no administrasaun hotu-hotu disponivel, nune'e asegura funsionamentu di'ak hosi autoridade reguladora.

Durante tinan 2008, ne’ebé mós koñesidu ba ANP nu’udar tinan tranzitóriu, ANP mantein atividade operasionál hotu-hotu ne’ebé pre-ezistente ne’ebé hala’o tantu iha JPDA no Área Tasi-laran eskluzivu Timor-Leste nian. Ho kontente atu fahe katak maski iha obstákulu hotu-hotu ne'ebé hetan hosi mudansa institusionál sira hanesan preskreve iha leten, ANP konsege asegura katak atividade petrolífera hotu-hotu ne'ebé planeia ona ba tinan ne'e entrega tuir obrigasaun sira kontratu nian no enkuadramentu legál sira seluk ne'ebé iha.

ANP nu’udar Instituisaun públika Governu Timor-Leste nian ne’ebé esklaresidu hosi Planu Dezenvolvimentu Nasionál Governu Timor-Leste nian, no Tratadu Tasi Timor sei kontinua halo nia esforsu di’ak liu, maski iha dezafiu hotu-hotu, hodi asegura atividade petrolífera ne’ebé hala’o iha nia área jurisdisaun sira regula tuir prátika di'ak liu iha indústria, enkuantu garante partisipasaun boot liu hosi sidadaun TL sira iha prosesu hotu-hotu, no maksimiza benefísiu ba Timor-Leste no Austrália (iha kazu JPDA nian)

 

Por favór klik iha ne'e ba detallu