“Autoridade Nasionál Petróleu no Minerais” (ANPM) nu’udar instituisaun públika Timor-Leste nian ne’ebé responsavel ba jestaun no regula atividade petróleu no minerasaun iha área jurisdisionál eskluziva Timor-Leste nian no iha Área Konjunta Dezenvolvimentu Petróleu (JPDA). ANPM hala’o ninia kna’ar tuir Dekretu Lei kona-ba estabelesimentu ANPM, Lei Atividades Petrolíferas, no Tratadu Tasi Timor.

ANP nia objetivu atu asegura kumprimentu ba regra no regulamentu sira ne’ebé kobre esplorasaun, dezenvolvimentu, produsaun, transporte, no distribuisaun rekursu petrolíferu no gás naturál iha nia área jurisdisionál sira. Liuhusi supervizaun no monitorizasaun regulár ba atividade petrolífera hotu-hotu, ANPM buka atu fornese benefísiu másimu ba Timor-Leste no Austrália (iha kazu JPDA nian) enkuantu kaer metin prátika di’ak liu ba Saúde, Seguransa no Ambiente.

Ami nia Diresaun Estratéjiku

Vizaun
Atu sai autoridade regulador petróleu no minerál ne’ebé lidera iha rejiaun no modelu ba dezenvolvimentu institusionál iha Timor-Leste

Misaun
– Atu maximiza reseita no multiplika benefísiu ekonómiku
– Atu masimiza partisipasaun Timor-Leste nian iha dezenvolvimentu ba nia setór petrolíferu
– Atu promove prátika sira Saúde, Seguransa no Ambientál nian ne'ebé di'ak liu;
- Atu dezenvolve kapasidade institusionál setór petrolíferu Timor-Leste nian

Metas
– Garante katak rekursu petrolíferu sira esplora, dezenvolve, jere no regula ho efetivu;
– Garante katak benefísiu ekonómiku sira entrega ba estadu kontratante sira;
– Maximiza oportunidade empregu ba sidadaun Timor-Leste;
– Dezenvolve exelénsia organizasionál;
– Promove no asegura prátika sira HSE nian ne'ebé di'ak liu;
– Regula atividade hotu-hotu petrolíferu downstream nian iha Timor-Leste;
– Maximiza atividade ekonómika setór petrolíferu iha Timor-Leste