Tinan iha revizaun
Tinan 2014 sai duni tinan ida ne’ebé nakonu ho dezafiu ba ANP. Ami besik ona atu finaliza konjuntu foun sira hosi enkuadramentu sira ba operasaun sira petrolíferu nian no kontinua ho envolvimentu ativu iha regulasaun setór nian. Ami-nia auditoria ba konteúdu lokál dahuluk ba operadór sira iha JPDA fó oportunidade atu komprende dalan di’ak liu atu servisu hamutuk ho operadór kontratu sira hodi kontinua hadi’a partisipasaun sira Timor-Leste nian iha operasaun petrolíferu sira. Adisionalmente, durante tinan tomak ami mós serbisu besik ho operadór kontratu sira hodi rezolve dezafiu operasionál signifikativu sira no lori solusaun razoavel sira hodi kontinua serbisu hamutuk. Aleinde ne’e, negósiu downstream sira iha Timor-Leste avansa ona ho pozitivu ho emisaun lisensa atividade downstream lubuk ida.

Jeralmente, oportunidade no dezafiu sira iha 2014 espoin ona ami nia ekipa joven no dedikadu ba nivel esperiénsia foun ida atu serbisu hamutuk no dezenvolve sira nia kapasidade hodi serve interese na'in ba rekursu sira.

Esplora ba potensiál sira
Serbisu jeolójiku no jeofíziku iha ita-nia área sira kontinua hala'o iha preparasaun ba perfurasaun iha tinan hirak tuirmai. Maski nune’e, ami fó ona lisensa atu adia entrega ba kompromisu esplorasaun balun iha JPDA no mós iha TLEA fó tempu barak liután ba operadór kontratu sira atu planeia no entrega sira-nia kompromisu.

Produz husi to'os ne'ebé menus
Diminuisaun iha produsaun mina-rai hosi tantu kampu Bayu Undan no Kitan hamutuk ho diminuisaun iha folin mina-rai iha tinan 2014 nia rohan fó impaktu ba ita-nia abilidade atu hetan reseita ne'ebé boot liu. Maski nune'e, dala barak iha ambiente ida-ne'e maka operadór kontratu sira hetan obrigasaun atu atua ho prudente liután hodi optimiza rekuperasaun petróleu nian no hamenus kustu operasaun nian.

Atu mantein no hadia produsaun minarai, fura posu dezenvolvimentu lima durante tinan tomak; enkuantu posu balu lori kedas ba mota, posu balu infelizmente falla no tenke suspende to'o ambiente ekonómiku sai favoravel.

Matan ba Saúde Seguransa no Ambiente
Tinan seguru ida tan ba operasaun petrolífera iha JPDA no TLEA iha 2014. Laiha rejistu kona-ba fatalidade ka asidente/insidente boot ruma iha ami nia área jurisdisaun sira.
Auditoria regulatóriu no inspesaun sira ne'ebé alvu ba ámbitu sira ne'ebé define ona kontinua hala'o hosi ami nia
inspetór no auditór sira ne'ebé iha esperiénsia ne'ebé rezulta iha asaun koretiva sira ba melloria kontínua.

Lisensiamentu ba Atividade sira iha Mota-okos
Aleinde serbisu ba regulamentu sira iha kraik, ami nia esforsu iha koordenasaun ho entidade negósiu lokál sira iha
setór downstream nian hetan ona pagamentu ho emisaun, ba dala uluk, hosi lisensa atividade downstream nian lubuk ida ba fornesedór servisu downstream nian ne'ebé kualifikadu ba kategoria servisu oioin. Ida-ne'e maka marku boot ida ba regulasaun setór downstream nian hodi kumpre ezijénsia sira downstream nian, padraun indústria nian no atu fornese garantia ba utilizadór finál sira hosi produtu downstream sira iha nasaun.

Vizita fali regulamentu sira no kontratu modelu sira
Kontinua esforsu husi tinan kotuk, ami besik ona atu finaliza regulamentu no modelu kontratu ba
Timor-Leste no kontinua serbisu ba regulamentu revizaun ida no modelu PSC ba JPDA. Serbisu kona-ba regulamentu Timor-Leste nian no kontratu modelu sira sei remata iha 2015 hodi fasilita planu ba libertasaun area.

Viajen iha 2015
Ami hein atu konklui kuadru regulamentár revizaun ba operasaun petrolífera sira iha 2015 no loke ronda foun ida ba esplorasaun iha ami nia área jurisdisaun sira. Ami iha kompromisu maka'as atu kontinua progresu ne'ebé ami halo ona to'o agora iha kooperasaun besik ho parte interesada prinsipál sira ne'ebé relevante. Maski nune'e, hanesan ema barak ne'ebé envolve iha indústria ida-ne'e, inserteza sira iha folin mina-rai nian kontinua fó hanoin mai ita kona-ba nesesidade atu hanoin maka'as liután no ajusta maneira ne'ebé ita halo negósiu iha setór ida-ne'e.

Gualdino da Silva
Prezidente
Autoridade Nacional do Petróleo Timor-Leste

Relatóriu Anuál ANP 2014 nian. Atu download ida-ne'e, favór ida klik iha ne'e.